CU情色版事件

今朝一返工, 上網看見中大校方發表聲明的消息, 一時以為自己看錯, 親自到CU的網頁求證, 一見到那份聲明, 個心就係敢沉, 個腦只有呢D問題 : 呢間真係我讀咗3年的CU ? 點解呢個社會會搞成敢 ? 呢個係咩世界 ?

這一日, 我覺得很難受, 越諗越氣憤.

合理的批評當然要接受, 同時亦要藉此不斷改善、進步, 但是絕對不能接受那些強加予身的罪名, 以及那些不知所謂的道德經, 更加反對校方如此草率的作法!

情色版
一切就只係源於這個情色版.


click the picture to enlarge

唔講校內以往都有出現過類似這種打破禁忌的刊物, 亦應該知道此版事先聲明的用意, 係人一睇都知道此版不同係坊間麼報麼刊作的情色版, 比上來仲正常不過. 相反的, 若然他們係心懷不良意圖的講性, 就真係應批應罰. 睇返這個情色版, 若要批評, 可以話佢小圈子、欠技巧等等, 應該用理性甚至學術性等角度來討論. 實在唔明那些覺得受不了的人竟然以敗壞社會風氣、有違倫理道德的理由大聲評擊, 唔通而家講道德就不准人講性談性! 事實可能就係因為這些人根本缺乏性教育, 才會一見到些許露骨字眼就即時諗到違反道德, 內裡的東西連睇都沒睇完, 更加不會去深究和討論. 不過, 講到尾, 大家都知道, 時至今日, 我們的社會由始至終都係缺乏一套有系統的性教育, 可笑又可悲.

渲染與誇大
好啦, 大家唔講性都算了, 就任由那些錯誤的、離譜的性態度、性知識繼續滋生, 然後看著報紙來嘲笑竟然仲有大學生婚後不懂得作愛這種事, 又或者責罵那些偷食禁果的少男少女等等吧. 但係有人仲要因為過唔到自己的問題而將這個情色版加以評擊, 不斷渲染和誇大, 搞到全世界都認為這個情色版真係垃圾, 那些大學生變了人渣, 如此做法實在係太離譜. 沒錯, 大學生要有承擔、有責任, 大學生要認清自己的社會角色, 但係唔代表大學生唔可以開放的講性談性. 這些日來看了很多的評論, 但係很多都係無point的, 最離譜的係那些拿了稿費在報紙上冷言冷語、幸災樂禍的所謂德高望重的人, 他們甚至講人壞話, 說甚麼學生報的財務日後因住嫁不出啦的說話, 這種人先至係人渣.

如此看來, 實在不得不懷疑此事根本係有些人在趁機藉題發揮、企圖破壞.

令人失望的中大校方
今次中大校方的回應和作法實在令人失望、甚至心淡. 學生報有問題, 但係校方不但沒有與編委會溝通, 加以教育, 引導他們反省及改善, 反而在事後要嚴厲批評、嚴峻證明甚至加以嚴懲, 考慮到的主要就是要維護學校的名譽, 難道而家的高等教育就係現實到同辦私人機構一樣, 平時就係要的學生醒定的, 但係出了事就要人出來褙禍! 中大一直都致力要成為一間出色的高等學府, 但係其實我自己有時真的很懷疑校方與學生之間的關係到底有幾良好, 2者之間根本就存在很大的溝. 諗落又係的, 校方為了辦好學校, 又爭取資源、籌集經費, 又要建多幾間書院, 又要搞合併等等, 邊度有時間同校裡的學生講敢多啊, 甚至你可以不時聽到教授埋怨不能好好做研究、做學術. 如此下去, 我們的學校真係可以成為一間出色的高等學府? 一間學校再大、再有錢, 但連應有的教育精神都失去了, 敢學生真係可以出息? 學術真係可以發揚? 所謂校譽是建基於咩野?

year 1時讀的大學之理念及實踐一書, 1個semester過咗, 都無幾個人真係睇晒, 睇怕校方要和我們一齊咪吓這本書.

公義與公道

大家都知道這個是個複雜交錯、瞬息萬變的世界, 很多東西很多事都變得無結論, 但係不等於可以說三道四. 不知何時開始, 而家的人非常喜歡批評, 係又批, 唔係又批, 總之就係識得把別人批得死去活來, 於是乎全世界都變得很虛偽, 越虛偽就越壓抑, 有些許唔妥, 就會全城炒作, 真係惡性循環. 責罵、譏諷某一批對象, 將他們當成出氣袋, 難道事情本身就會變好 ? 為何明明知道某報某派某些人根本就係度為自己的利益而矇蔽社會, 點解都仲係可以無動於衷 ? 要去到咩程度先算係真正的社會公義? 難道而家褻物品審裁處的裁判就係公道 ? 講出來真係唔知係可笑定係可悲!

... ...

同學生, 請繼續撐落去.